لو بتشتري شقه والعقد مش مكتوب فيه ان لك حصه في الارض فمعنى كده انك اشتريت حوائط فقط يعني لو لا قدر الله المبنى وقع او ازيل لاي سبب فانت ما لكش غير ثمن الشقه بدون حصه في الارض
Qirat Survey : مساحة القيراط
العقود ( عقود الملكية – عقود التمليك ):- لما ربنا يرزقك وتروح تشترى أرض أو شقة أو محل ، اوعى تسترخص أو تستسهل وتروح تشترى عقد مطبوع جاهز من المكتبة ، لأن أى عقد به شقين : شق قانونى وشق هندسى . يعنى ايه الكلام الغريب ده ؟ يعنى لازم تستشير محامى ، ومهندس مساحة ، وتدفع لهم أتعابهم . معقول ؟ أيوة ادى العيش لخبازه ، وإسأل عشان ما تدبسش. انت شقيان وتعبان فى فلوسك ، ولا دوست ع الزرار ، ولا حكيت الفانوس السحرى ، طلع لك شيكارتين ذهب وياقوت وفلوس ومرجان ؟ ولا لقيت فلوسك على ناصية الشارع ؟! زمان قالوا : احرس الجنيه بجنيه ، وقالوا : ما خاب من استشار. عايز تخبى وتدارى عشان شمعتك تقيد ، روح لمحامى بعيد ، ومهندس ما يعرفكش ، طالما مصمم تدارى وتخبى. بس إسأل واستشر ، وبلاش تحكم على البائع أو الشركة أو السمسار أو المقاول ، بكلام الناس أو بالاعلانات ، أو بالعواطف ، أو المظاهر ، لأن معظم المظاهر خداعة ، والإعلانات معظمها فشنك ، وبعض الناس كذابة. أى عقد ملكية عشان يكون سليم ويحفظ حقك ، لازم تتحقق به شروط قانونية معينة ، زى صحة الأسماء ومحال الإقامة والأرقام القومية ، والأهلية ، والسن...
Comments
Post a Comment